Rs 2000 Note Deposits: నేటి నుంచి 2000 రూపాయల నోట్ ఎక్సేంజ్‌, ₹2 లక్షల కోట్ల డిపాజిట్లు రావచ్చని అంచనా!

<p><strong>2000 Rupees Deposit:&nbsp;</strong>ఆర్బీఐ ప్రకటించినట్టుగా ఇవాళ్టి నుంచి రెండు వేల రూపాయల నోట్&zwnj; డిపాజిట్&zwnj; లేదా మార్పిడీ ప్రక్రియను బ్యాంకులు ప్రారంభించాయి. గత అనుభవాలను దృష్టి పెట్టుకొని చాలా మంది వివిధ మార్గాల్లో ఈ నోట్ల మార్చుకునే ప్రయత్నం చేశారు. అయినా ఉదయాన్నే బ్యాంకుల వద్ద క్యూలు కనిపిస్తున్నాయి.&nbsp;</p> <p>మే 19, శుక్రవారం, రిజర్వ్ బ్యాంక్ ఆఫ్ ఇండియా ఒక నిర్ణయాన్ని ప్రకటించింది. 2000 రూపాయల నోట్లను చెలామణి నుంచి ఉపసంహరించుకుంటున్నట్లు ప్రకటించింది. క్లీన్ నోట్ పాలసీలో భాగంగా ఈ నోట్లను ఉపసంహరించుకుంటామని మే 23న ఆర్బీఐ ప్రకటించింది. మే 30 నుంచి సెప్టెంబర్ 2000 వరకు ప్రజలు తమ బ్యాంకు ఖాతాల్లో ఈ నోట్లను డిపాజిట్ చేయవచ్చని, లేదా వాటిని ఇతర డినామినేషన్ నోట్లుగా మార్చుకోవచ్చని ఆర్బీఐ తెలిపింది.</p> <p>2023 మార్చి నాటికి, చెలామణిలో ఉన్న నోట్లలో రూ. 2,000 నోట్ల వాటా 10.8%, వాటి మొత్తం విలువ రూ. 3.62 లక్షల కోట్లు. 2018 మార్చిలో గరిష్టంగా రూ. 6.73 లక్షల కోట్ల విలువైన రూ. 2000 నోట్ల చలామణీలో ఉన్నాయి.</p> <p><span style="color: #e67e23;"><strong>రూ.2 లక్షల కోట్ల వరకు పెరగనున్న డిపాజిట్లు</strong></span><br />ఆర్&zwnj;బీఐ నిర్ణయంతో చాలావరకు రూ. 2,000 నోట్లు బ్యాంకుల్లో డిపాజిట్ అయ్యే అవకాశం ఉంది. దీనివల్ల డిపాజిట్ బేస్ &amp; సిస్టమ్ లిక్విడిటీ మెరుగు పడుతుందని భావిస్తున్నారు. మొత్తంగా, బ్యాంక్&zwnj; డిపాజిట్లు రూ. 1.5 లక్షల కోట్ల నుంచి రూ. 2 లక్షల కోట్ల వరకు పెరుగుతాయని అంచనా వేశారు.</p> <p><span style="color: #e67e23;"><strong>బ్యాంక్&zwnj; స్టాక్స్&zwnj; పరుగులు పెట్టే ఛాన్స్&zwnj;</strong></span><br />ఫైనల్&zwnj;గా, బ్యాంకుల్లో డిపాజిట్&zwnj; బేస్&zwnj; పెరగడం వల్ల బ్యాంకుల్లో క్రెడిట్-డిపాజిట్ నిష్పత్తి మెరుగుపడుతుంది. నికర వడ్డీ మార్జిన్&zwnj;లపై సానుకూల ప్రభావం పడుతుంది. FY24 రెండో అర్ధభాగంలో బ్యాంక్&zwnj; ఫలితాల్లో ఇది ప్రతిబింబిస్తుంది. బ్యాంక్&zwnj; స్టాక్స్&zwnj; పరుగులు పెట్టే అవకాశం ఉంది.&nbsp; &nbsp; &nbsp; &nbsp;</p> <p>రూ. 2,000 నోట్లను బ్యాంకుల్లో డిపాజిట్&zwnj; చేసే ప్రజలు, తమ అవసరాల కోసం ఆ డబ్బును చిన్న డినామినేషన్లలో తక్కువ కాలంలోనే వెనక్కు తీసుకునే అవకాశం ఉంది. కాబట్టి, కొన్ని కొత్త డిపాజిట్లను తాత్కాలిక డిపాజిట్లుగా చూడాల్సి ఉంటుంది.&nbsp; &nbsp;</p> <p><span style="color: #e67e23;"><strong>బంగారం, స్థిరాస్తి, ఖరీదైన వస్తువుల కొనుగోళ్లు</strong></span><br />రూ. 2000 నోట్లలో మరికొంత భాగం తిరిగి బ్యాంకింగ్ వ్యవస్థలోకి ప్రవేశించకపోవచ్చు. పెద్ద మొత్తంలో డబ్బు డిపాజిట్&zwnj; చేసి ఆదాయ పన్ను శాఖ కంట్లో పడే బదులు అత్యధిక విలువైన వస్తువులు, బంగారం వంటివాటిని ప్రజలు కొనే అవకాశం ఉంది. లేదా రియల్ ఎస్టేట్&zwnj;పై ఖర్చు చేయవచ్చు. దీనివల్ల, వివిధ రంగాల్లో కూడా అమ్మకాలు, ఆయా కంపెనీల ఆదాయం అనూహ్యంగా పెరగవచ్చు.&nbsp; &nbsp; &nbsp;</p> <p><strong>బ్యాంకుల్లో నిలబడే డిపాజిట్లు 15-30%</strong><br />చెలామణిలో ఉన్న రూ. 3.62 లక్షల కోట్ల విలువైన రూ. 2,000 నోట్లలో, కేవలం 15-30% మాత్రమే మన్నకైన/దీర్ఘకాలిక డిపాజిట్లుగా బ్యాంకుల్లోకి చేరతాయన్నది అంచనా. ఈ ప్రకారం, రూ. 50,000 కోట్ల నుంచి రూ. 90,000 కోట్ల వరకు విలువైన పింక్&zwnj; నోట్లు బ్యాంకింగ్&zwnj; వ్యవస్థలోకి చేరతాయని ఊహిస్తున్నారు.&nbsp; &nbsp; &nbsp;</p> <p>2016 నవంబర్&zwnj;లోని పరిస్థితి వేరు, ఇప్పటి పరిస్థితి వేరు. అప్పడు పెద్ద నోట్లను రద్దు చేశారు, ఇప్పుడు ఉపసంహరించుకుంటున్నారు. అప్పుడు కరెన్సీ చెల్లుబాటు కాకుండా పోయింది, ఇప్పుడు రూ. 2,000 నోట్లు చట్టబద్ధమైన టెండర్&zwnj;గానే కొనసాగుతాయి.&nbsp; &nbsp;&nbsp;</p> <p>బ్యాంకుల్లో నోట్ల మార్పిడి, డిపాజిట్ల కోసం ప్రజలకు మే 23 నుంచి సెప్టెంబర్&zwnj; 30 వరకు అవకాశం ఉంది.&nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;</p> <p><strong>ఇది కూడా చదవండి: <a title="₹2000 నోట్ల డిపాజిట్లకు పాత రూల్&zwnj; - పరిమితి దాటితే PAN ఇవ్వాల్సిందే" href="https://ift.tt/cOlMfT7" target="_self">₹2000 నోట్ల డిపాజిట్లకు పాత రూల్&zwnj; - పరిమితి దాటితే PAN ఇవ్వాల్సిందే</a></strong></p>

from news https://ift.tt/3CD1TAs